نكت جديدة تموت من الضحك
نكت جديدة تموت من الضحك

عندما تجلس مع عائلتك أو مع أصدقائك فإنك تبحث عن نكت جديدة تموت من الضحك، حتى يلطف الجو العام، وحتى يسود جو المرح والسعادة في هذا التجمع، فالنكات هي عبارة عن أدب شعبي على شكل قصص أو بعض الكلمات، حتى يؤثر على المستمع ويجعله يضحك.

لذلك ومن خلال موقع تثقف، سنتعرف على أغلب النكت المضحكة، وعلى الأحدث منها.

نكت جديدة تموت من الضحك

معنى نكت تموت من الضحك ليس معناها أنها قاتلة، بل هي تعني أنها على قدر طرافتها على قدر ما يضحك المتلقي كثيرًا، هذه النكات هي طُرف جميلة، تروى لأي شخص مهما كان عمره، ونتعرف على تلك النكت من خلال النقاط التالية:

  • مرة صعيدي بيتكلم مع صاحبه فبيقوله: مش عارف أنا إيه الناس اللي تدفع مليون دولار في بن لادن دي، أومال لو كان بن محوج كان دفعوا كام.
  • حسن شاكوش راح يقدم في نقابة الموسيقيين، راح هاني شاكر.
  • ملحد حب يتعلم لغة جديدة، اتعلم اللغة اللاتينية.
  • واحد جواهرجي مات من الفضة.
  • واحد دخل سوبر ماركت قال للراجل: عايز زيت عافية، الراجل قاله: على فكرة متقدرش.
  • مرة مصطفى أمر ومحدش نفذ.
  • ليه الجندي الياباني مبيحاربش؟ لأنه japan.
  • مرة ممرضة خلفت توأم، سمت واحد وليد والتاني عضل.
  • محشش وهو بيموت قال لأصحابه: بعد ما أموت اتبرعوا بكل أعضائي ما عدا المخ سألوه: ايشمعنى، قالهم: معلش أصل متخزن في الذاكرة صور عائلية.
  • محشش شغلوه في متحف قام محرك تمثال وكسره، رئيس المتحف جري عليه وقالوا: الله يخربيتك يا مجنون ده من القرن الـ 17، المحشش قاله: ياعم خضتيني افتكرته جديد.
  • بيقولوا لمحشش: ليه لما بسحب الفلوس من مكنة الـ ATM، البطاقة بتطلع قبل الفلوس، قالهم: عشان الشعب لما بيشوف الفلوس بينسى أي حاجة تانية.

اقرأ أيضًا: نكت قصيرة بايخة 2021

نكت جديدة مضحكة

نعرض لكم في هذه الفقرة نكت جديدة تموت من الضحك، حيث إنها تتمتع بخفة الدم والفكرة والمغزى المضحك، وعادة ما يقول الناس هذه النكات للتخفيف عن أنفسهم أو للتخفيف على المستمع، إذ أن الضحك يزيل الثِقل من على القلب ولو بشكل مؤقت، وسوف نتعرف اكثر على هذه النكات المضحكة من خلال ما يلي من نقاط:

  • واحد اتصل على مراته وقالها: سخني المياه عشان جي، قام صاحبه قاله: ما شاء الله شكل شخصيتك جامدة مع مراتك، قاله: طبعًا هو ينفع اغسل المواعين بمية باردة؟
  • واحد اتصل على مراته وقالها: أنا كسبت مليون جنيه، جهزي شنطتك قوام، قالتله: أحط اللبس الصيفي ولا الشتوي، قالها: اي حاجة المهم لما اجي مشوفكيش في البيت.
  • اتنين أغبياء عايزين يروحوا، واحد قال للتاني: بقولك ايه تيجي نجري جنب الأوتوبيس وأهو نوفر جنيه، قام التاني قاله: طب ما نجري جنب التاكسي ونوفر 10 جنيه.
  • واحد شافوه بيقلع هدومه في ميدان التحرير، الناس سألته بيعمل كدا ليه، قام قايل: أصل الكمسري قالي لما أحب أروح رمسيس لازم اغير من التحرير.
  • دينار لابس عمامة ليه؟ عشان جي من بنك إسلامي.
  • واحد كريم خلف توأم حلف على الدكتور لياخد واحد.
  • شيخ معدي في الصالة اتكسف ليه؟ عشان بص في الساعة لقاها واحدة.
  • مرة واحد راح عشان يوكل محامي، راحله بالليل عشان كان صايم الصبح.
  • واحد كسلان أوي دخل امتحان قلمه وقع قام مسلم الورقة.
  • مرة واحد باع اللي وراه واللي قدامه، عشان يشتري اللي على يمينه وشماله.
  • ليه الخشب يتيم؟ عشان مقطوع من شجرة.
  • واحد معاه عربية قديمة وكحيانه، قام حاططها قدام بيت مسكون عشان تبقى عربية شبح.
  • مرة واحد عداه العيب استنى اللي بعده.

نكت طويلة مضحكة

النكت الطويلة هي نكت جديدة تموت من الضحك عبارة عن قصص طويلة بها شخصيات يتحدثون، وتدور الأحداث بينهم إلى أن تصل إلى مغزى النكتة في آخرها، هذا النوع من النكات قد تفنن فيه ما يسمى بالـ “مونولوجيست” وكان أشهر منولوجيست في مصر هو الفنان الراحل إسماعيل ياسين، ونعض لكم تلك النكات من خلال الآتي:

  • تلاتة محششين قاعدين مع بعض، الأول قال: أنا معايا فلوس تشتري أوروبا، التاني قال: وأنا معايا فلوس تشتري أوروبا وأفريقيا، راح التالت قايلهم: ومين قالكم إني هبيع.
  • مرة واحد فلاح كسب مليون جنيه، فالناس مجتمعة مع العمدة وقالوله: ياعمدة أحنا خايفين نقوله على الخبر يطب ساكت، قالهم خلاص أنا هقوله، العمدة راحله البيت: قاله يا عوض تعمل ايه لو كسبت مليون جنيه، قاله: هديك نصهم، راح العمدة طب ساكت.
  • اتنين محششين زوروا ورقة بـ 14 جنيه، نزلوا الشارع عشان يجربوها، فبيسألوا واحد معدي: معكش فكة 14 جنيه أزميلي، قام قالهم: حظكم حلو آخر سبعتين في جيبي.
  • عيل قاعد في الفصل كل شوية يضحك، ففي الآخر ضحك جامد أوي، قام المدرس سألوه: ايه يا بني أنت اتجننت ولا ايه مالك؟، راح العيل قاله: أصل أنا كل شوية اقول نكت لنفسي وأضحك، بس آخر واحدة دي حلوة أوي أول مرة اسمعها.
  • أستاذ بيسأل طالب غبي: لو عايز تقول لحد تعالى بالإنجليزي تقوله ايه؟ الطالب قاله: أقوله come here، الاستاذ: حلو طب لو عايز تقوله روح هناك؟، الطالب: بروح أنا هناك وبقوله come here.
  • طالب بيقول للمُدرسة بتاعته: أنا بحبك يا ميس وعايز أتجوزك، الميس قالتله: معلش أنا مبحبش الأطفال الصغيرين، راح قالها: عادي أنا مش مستعجل على الخلفة.

نكت ظريفة مضحكة

نتعرف على نوع آخر من نكت جديدة تموت من الضحك وهي النكت الظريفة، وهي نكت متنوعة ليست قصيرة أو طويلة، بل كل ما هو مطلوب أن تكون مضحكة، ومغزاها طيب، وتعرف أكثر على هذا النوع من النكات من خلال ما يلي من سطور:

  • واحد غبي الكوتشي بتاعه اتقطع راح خيطه، بعد شهر لقى الكوتشي بقا كويس راح فك الخياطه.
  • مرة واحد غني عنده عربية بسواق، مراته جت قالتله: اطرد السواق المتخلف ده، كان هيموتني مرتين، الراجل قالها: طب ما نديله فرصة تالتة يمكن أداؤه يتحسن.
  • واحد بيقول لصاحبه: هو التعلب بيولد ولا بيبيض؟ صاحبه قاله: بص هو معروف إن الثعلب مكار، فتوقع منه أي حاجة.
  • واحد محشش طالع على عمود كهربا، فالظابط قاله: يابني طالع تعمل ايه، المحشش: أنا طالع أكل تفاحة، الظابط: بس ده يا متخلف عمود كهرباء مش شجرة تفاح، المحشش: ياعم وانتا مالك أنا معايا تفاحة في جبيبي عايز أكلها فوق.
  • ولد بيسأل أبوه: فين برج القاهرة، أبوه: معرفش، الولد: طب فين جبال الألب، الأب: معرفش، الولد: طب فين الصحراء الغربية، الأب: معرفش، الأم قالت للولد: خلاص بقا يابني متزعلش أبوك، الأب: يا ستي سيبيه خلي الواد يستفيد.
  • واحد غبي اتصاب عطوله مرهم وقالوله: ادهن المرهم ده مكان الإصابة، راح دهنوا على السلم.
  • ظريف راح محل ماكدونالز، قالهم: عندكوا حلقات بطاطس، العامل: أيوه يا فندم، الظريف: طب هاتلي آخر حلقة بدون فواصل.
  • مرة خياط اتقدم لخياطه، قام خلوا فرحهم يوم القميص.
  • ليه النجار يستخدم الكلب؟ بيـ DOG بيه الباب.
  • ست خلفت بنت جميلة أوي قامت مسمياها SO هايلة.

شاهد أيضًا: نكت محششين سعوديين مضحكه جدا

إذًا من خلال ما سبق تعرفنا على نكت جديدة تموت من الضحك، وتعرفنا أيضًا على النكت الطويلة والمضحكة والظريفة، كان هذا موضوعنا نرجو أن تكونوا استفدتم من المعلومات المقدمة، وأن تكونوا استمتعتم بما قرأتموه.

التعليقات

اترك تعليقاً

لن يتم نشر عنوان بريدك الإلكتروني.